ಶ್ರೀಶ್ರೀಶ್ರೀ ಶಂಕರಾನಂದ ಸ್ವಾಮಿಗಳು ಬ್ರಹ್ಮಕ್ಯ ಹೊಂದಿದ ದಿನದಂದು ಶ್ರೀಗಳ ಆರಾಧನೆಯಂದು ಎಲ್ಲಾ ಭಕ್ತರ ಸಮ್ಮುಖದಲ್ಲಿ ಬೆಳಗ್ಗೆ ಬ್ರಾಹ್ಮೀ ಮುಹೂರ್ತದಲ್ಲಿ ಗಣಪತಿ ಅಷ್ಟೋತ್ತರ, ಗುರು ಅಷ್ಟೋತ್ತರ, ಶಿವ ಅಷ್ಟೋತ್ತರ, ಶ್ರೀ ಶಂಕರಾನಂದ ಗುರು ಅಷ್ಟೋತ್ತರ, ತದನಂತರ ಸಾಮೂಹಿಕ ಭಗವದ್ಗೀತೆ ಪಾರಾಯಣ, ಭಜನೆ, ಉಪನ್ಯಾಸಗಳು ಸಂಜೆ ಮಂಗಳಾರತಿ ಹೀಗೆ ಮೂರು ದಿವಸಗಳು ಕಾರ್ಯಕ್ರಮಗಳಿರುತ್ತವೆ.

ಶ್ರೀರಾಮ ಜಯಂತಿಯನ್ನು ಆಶ್ರಮದಲ್ಲಿ ಭಕ್ತರ ಸಮ್ಮುಖದಲ್ಲಿ ಕೋಸಂಬರಿ, ಪಾನಕವನ್ನು ಎಲ್ಲಾ ಭಕ್ತರಿಗೆ ಹಂಚಿ, ಶ್ರೀಗಳು ಶ್ರೀರಾಮನ ಬಗ್ಗೆ ಉಪನ್ಯಾಸ ಮಾಡುವರು.

ಶ್ರೀಗಳರವರು ದೀಕ್ಷೆ ತೆಗೆದುಕೊಂಡ ದಿವಸ. ಈ ದಿನದಂದು ಭಗವದ್ಗೀತೆ ಪಾರಾಯಣ, ಭಜನೆ, ಉಪನ್ಯಾಸಗಳು ಹಾಗೂ ಶ್ರೀ ಪ್ರಭೋದಾನಂದ ಸ್ವಾಮಿಗಳರವರ ಪಾದ ಪೂಜೆ, ಪ್ರಸಾದ ವಿನಿಯೋಗ ಇರುತ್ತದೆ.

ಈ ದಿನದಂದು ಶ್ರೀ ಶಂಕರಾಚಾರ್ಯರು ರಚಿಸಿರುವ ಸ್ತೋತ್ರಗಳನ್ನು, ಭಜನೆಯನ್ನು ಮಾಡಿ, ಶ್ರೀಗಳರವರು ಶಂಕರರ ಬಗ್ಗೆ ಉಪನ್ಯಾಸ ನೀಡುವರು.

ಈ ಪುಣ್ಯ ದಿನದಂದು ಶ್ರೀಗಳ ರವರ ಪಾದ ಪೂಜೆ ಮಾಡಿ, ಓಂಕಾರೇಶ್ವರನಿಗೆ ಅಭಿಷೇಕ ಮಾಡಿ ಗೀತೆಯನ್ನು ಮನಸ್ಸಿನಲ್ಲಿಯೇ 18 ಅಧ್ಯಾಯಗಳನ್ನು ಓದಬಹುದು (ಗೀತಾ ಪುರಶ್ಚರಣೆ).

ಇದು ಮಹಾ ಯಜ್ಞ ಏಕೆಂದರೆ ಗೀತೆಯಲ್ಲಿ ಶ್ರೀ ಕೃಷ್ಣನೇ ಹೇಳಿದಂತೆ ಯಜ್ಞಗಳಲ್ಲಿ ಜಪ ಯಜ್ಞವು ಶ್ರೇಷ್ಟವಾದುದ್ದು. ಅದರಂತೆ ಮೂರು ದಿವಸ ಈ ಜಪ ಯಜ್ಞವನ್ನು ನೆರವೇರಿಸಲಾಗುವುದು. ಆಸಕ್ತರು ಪ್ರಾರಂಭದ ದಿನದ ಸಂಕಲ್ಪವನ್ನು ತಪ್ಪದೆ ಮಾಡಬೇಕು, ಸಂಕಲ್ಪಕ್ಕೆ ಬರದಿದ್ದವರು ಈ ಯಜ್ಞಕ್ಕೆ ಕುಳಿತುಕೊಳ್ಳುವಂತಿಲ್ಲ ಇದನ್ನು ಮೂರು ದಿವಸವು ತಪ್ಪದೆ ಆಚರಿಸಬೇಕು. ಜಪವನ್ನು ಯಾವ ರೀತಿ ಮಾಡಬೇಕು ಎಂಬುದನ್ನು ಹೇಳಿಕೊಡಲಾಗುವುದು. ಆಸಕ್ತರು ಜಪಮಾಲೆಯನ್ನು (108 ಮಣಿ ಇರುವ) ಅವರೇ ತರಬೇಕು.

ಶ್ರೀ ಕೃಷ್ಣ ಜಯಂತಿಯಂದು ಕೃಷ್ಣನ ಭಜನೆಯನ್ನು ಹಾಗೂ ಅಷ್ಟೋತ್ತರಗಳನ್ನು ಭಕ್ತರು ಭಕ್ತಿಯಿಂದ ಮಾಡುವರು, ಕೊನೆಯಲ್ಲಿ ಗುರುಗಳು ಶ್ರೀ ಕೃಷ್ಣನ ಬಗ್ಗೆ ಉಪನ್ಯಾಸ ನೀಡುವರು.

7 ದಿವಸ ಶ್ರೀ ಗೀತಾ ಜಯಂತಿಯನ್ನು ಭಕ್ತಿ ಶ್ರದ್ದೆಯಿಂದ ಬೇರೆ ಬೇರೆ ಊರಿನಿಂದ ಬರುವ ಭಕ್ತರು ಆಚರಿಸುತ್ತಾರೆ. ಹೊರಗಿನಿಂದ ಬಂದವರಿಗೆ ಊಟ ವಸತಿ ಉಚಿತವಾಗಿರುತ್ತವೆ. 7 ದಿವಸವು ಬ್ರಾಹ್ಮೀ ಮೂಹೂರ್ತದಲ್ಲಿ ಕಳಶ ಸ್ಥಾಪನೆ, ಶ್ರೀ ಗಣಪತಿ ಅಷ್ಟೋತ್ತರ, ಶ್ರೀ ಗುರು ಅಷ್ಟೋತ್ತರ, ಶ್ರೀ ಶಿವ ಅಷ್ಟೋತ್ತರ, ಶ್ರೀ ಶಂಕರಾನಂದ ಗುರು ಅಷ್ಟೋತ್ತರ, ಶ್ರೀಮದ್ಬಗವದ್ಗೀತಾ ಅಷ್ಟೋತ್ತರ, ಗೀತೆಯ ಸಾಮೂಹಿಕ ಪಾರಾಯಣ, ಭಜನೆ, ಜ್ಞಾನಿಗಳಿಂದ, ಸ್ವಾಮೀಜಿಗಳಿಂದ ಗೀತೆಯ ಬಗ್ಗೆ ಉಪನ್ಯಾಸ, ಸಂಜೆ ಮಹಾಮಂಗಳಾರತಿಯೊಡನೆ ದಿನದ ಕಾರ್ಯಕ್ರಮ ಮುಗಿಯುವುದು. ಕೊನೆಯ ದಿನ ಭಗವದ್ಗೀತಾ ಯಜ್ಞವನ್ನು ನೆರೆದಿರುವ ಎಲ್ಲಾ ಭಕ್ತರು ತಮ್ಮ ಹವಿಸ್ಸನ್ನು, (ತುಪ್ಪ, ಎಳ್ಳು, ಭತ್ತದ ಅರಳು, ಕೊಬ್ಬರಿ, ಕಾಷ್ಟಗಳು) ಅಗ್ನಿ ಕುಂಡಕ್ಕೆ ಸಮರ್ಪಿಸಬಹುದು.

ಇದನ್ನು ಎಲ್ಲಾ ಹುಣ್ಣಿಮೆ ದಿನದಂದು ಆಚರಿಸಲಾಗುವುದು. ಭಗವದ್ಗೀತೆಯ 18 ಅಧ್ಯಾಯಗಳನ್ನು ಮನಸ್ಸಿನಲ್ಲಿಯೇ ಎಷ್ಟು ಸಾರಿಯಾದರು ಓದಬಹುದು. ಇದನ್ನು 11 ಘಂಟೆಯಿಂದ 2 ಘಂಟೆಯವರೆಗೆ ಮಾಡಬಹುದು. ತದ ನಂತರ ಗುರುಗಳಿಂದ ಉಪನ್ಯಾಸ ಹಾಗೂ ಪ್ರಸಾದ ವಿತರಣೆಯಾಗುವುದು.